Отзывы Конвектор DeLonghi HCX9120E

Вітаю спадарства! 3 верасня 2017 году набыў канвектар DeLonghi HCX9120E; па кошце 239 BYN. На той момант самы танны кошт сярод іншых.
Якасць зборкі добрая, хоць і ёсць некаторыя пытанні - сетка вентылятараў не зусім роўна ўсталёвана. Выбіраў спачатку алейны абагравальнік, таксама DeLonghi - TRRS 1225C. Па адэкватным кошце ў 270-290 BYN яго было не знайсці, хоць і былі прапановы сярод іншых крам - беларускія гандляры самыя гандлярыстыя ў свеце), акрамя гэтага алейны абагравальнік небяспечны з-за выпадкаў цечы і перагрэваў. Пасля гэтага пачаў цікавіцца канвектармі. Шмат чаго чытаў, глядзеў, чытаў водгукі па канвектарах і вырашыў паспрабаваць. Быў толькі адзін сумнеў наконт "ўсё ж такі сушыць ён паветра ці не?"...

ВАРТАСЦІ - не сушыць паветра!!!, 2000Вт, сэнсарныя клавішы, каляровы дысплэй, 2 варыянты ўсталёўкі падлога/сцяна(ўсё ёсць ў камплекце), блакіроўка клавіш, абарона ад перакульвання, абарона ад перагрэву, абарона ад замярзання(ніжэй за +7С), 4 рэжымы магутнасці(1,2,3 і 4 - гэта 3 рэжым + 2 вентылятары), ECO-рэжым, выбар тэмпературы(ад +16С да +32С), 2 таймеры - ON і OFF(ад 30 хвілін да 24 гадзін - крок ў 30 хвілін да 10 гадзін, з 10 гадзін - пагадзінна), выглядае вельмі стылёва.
ЗАГАНЫ - сілкавальны шнур зручней быў бы не з боку сэнсарнай панэлі кіравання(але гэта хутчэй абмежавана тэхнічна), няма падсвятлення сэнсарных клавіш, чаму было б не зрабіць з пультом???...(((

Спачатку пасля першага запуску трэба яго "прагрэць" як пішуць ў інструкцыі не меньш за 15 хвілін і каб знік смурод ад нейкай смазкі. Ўвогуле я чакаў амаль што 4 гадзіны і адначасова праветрываў кватэру. Пасля, ўсё добра - ніякага смуроду ўжо не было. Награвае паветра ў пакоі вельмі хутка, хутчэй за алейны - 100%, ў некалькі разоў хутчэй.
Толькі тыдзень таму пачаў ім карыстацца))
Можна ўключыць, выбраць камфортную для цябе тэмпературу + ECO-рэжым(замест выбару магутнасці) - астатняя праца за тэнам і тэрмастатам. А каб не баяцца забыцца выключыць, можна скарыстацца таймерам які можа як выключаць так і ўключаць канвектар. Зараз на ноч выбіраю 23С-24С градусы+ECO-рэжым і ўсё, так ён працуе ўсю ноч. З ранку - вельмі камфортна ўставаць, ў пакоі вельмі цёпла, але не спякотна, нос лёгка дыхае, ў адрозненні ад таго, як гэта было пасля нейкага падобнага савецкага абагравальніка. Тэрмастат працуе ціха - яго чутна толькі тады калі стаяць і чакаць калі спрацуе. Звычайна - яго не заўважна, сну не перашкаджае. Вельмі падабаецца ECO-рэжым - канвектар сам выбірае якую з 3 магутнасцей яму выбраць каб нагрэць паветра да выбранай тэмпературы. Ёсць 4 рэжым - гэта 3 магутнасць + уключаюцца 2 вентылятары. Атрымліваецца нагрэць вельмі халоднае памяшканне яшчэ хутчэй. Звычайна стаіць ўздоўж сцяны. На 3-х пакаёвую кватэру яго аднаго здаецца недастаткова(але я не правяраў яго на максімум))...) - лепш 2-4 штукі на кватэру. Для 1-2 пакаёвай кватэры - 1-2 штукі.
Раю да набыцця! Ўпэўнены, што не пашкадуеце!
P.S. яго сапраўдны кошт мусіць быць да 100$ (разам з пультом;)
Супер! Не сушыць паветра! Награвае вельмі хутка, шмат функцый, прывабны дызайн!